محمد صديق (تر انسانیت لوړ مذهب نشته)
نن سهار له لمانځه وروسته مې شېخ الحديث خبر کړ ما وېل زه هر ورځ ستاسې مبارک احاديث له خپلو هېوادوالو سره د فېسبوک له لارې شريکوم، ما وېل خو ډېری ملګري بیا ستا د همدې احاديثو په وجه پر ما د کوپر او الحاد ټاپې لګوي نو له دوی سره څه وکړم؟
شېخ الحديث وېل که چېرې یو شخص په سلو کې ۹۹ فيصده متیقين وي چې فلانکی کافر دی او ۱ فيصد هم مطمئن نه وي نو بیا هم په چا د کوپر ټاپه څوک نه شي لګولی او څوک چې پر تاسې د کوپر ټاپې لګوي نو هغوی پخپله ټول کافران دي او بیا یې دغه مبارک حديث شريف راته بیان کړ:
عَنْ أَبِي هُرَيْرَةَ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ « إِذَا قَالَ الرَّجُلُ لأَخِيهِ يَا كَافِرُ فَقَدْ بَاءَ بِهِ أَحَدُهُمَا »
ژباړه: له حضرت ابو هریرة رض څخه روایت دی چې رسول الله ﷺ فرمایلي: که چېرې څوک خپل ورور ته کافر (اې کافره) ووايي نو په تحقيق سره چې دی پخپله یو له هغو څخه دی (کافر).
- لومړی ماخذ: صحيح البخاري حديث ۶۱۰۳
- دویم ماخذ: صحيح البخاري ۷۸ کتاب ۱۳۰ حديث
- درېیم ماخذ: صحيح البخاري انګليسي ۸ ټوک ۷۳ کتاب ۱۲۵ حديث
همدا خبره په صحيح مسلم حديث ۶۰ (۱ کتاب حديث ۱۲۲ او انګليسي ۱ کتاب حديث ۱۱۷) کې هم راغلې.
ما وېل د کوپر ټاپې یې هم بلا ورپسې خو زموږ شهيد پرور ملت په وطن کې حتا خلک د کوپر په نامه وژني.
شېخ وېل څوک چې بل مسلمان ووژني نو هغه هم کافر دی او بیا یې دغه مبارک حديث شريف راته بیان کړ:
وَعَنْ اِبْنِ مَسْعُودٍ - رضى الله عنه - قَالَ: قَالَ رَسُولُ اللهِ – صلى الله عليه وسلم « سِبَابُ اَلْمُسْلِمِ فُسُوقٌ، وَقِتَالُهُ كُفْرٌ » مُتَّفَقٌ عَلَيْهِ.
ژباړه: له ابن مسعود رض څخه روایت دی چې رسول الله ﷺ فرمايلي: د یوه مسلمان سپکاوی د الله ج بې اطاعتي (فساد یاد فسق) ده، او وژل یې کفر دی. متفق علیه
- لومړی ماخذ: صحيح البخاري حديث ۶۰۴۴
- دویم ماخذ: صحيح البخاري ۷۸ کتاب ۷۴ حديث
- درېیم ماخذ: سنن نسایي حديث ۴۱۱۲
- څلورم ماخذ: سنن ابن ماجه حديث ۳۹۴۰
له ځانه سره مې وېل چې د دې حديث پر بنیاد خو دا طالبان، داعشیان، مجایدين او هغه ټولې ډلې چې د اسلام په نامه وژل کوي ټول کافران او له اسلامه خارج دي خو له خپله ځانه خبر نه دي.
يا الله ته مو ايمان ته خیر پېښ کړې، ملګرو دغه مبارک احاديث له ټولو افراطیانو، طالبانو، داعشیانو، مجاهدينو او سخت دريځو وطنوالو سره شريک کړئ چې له خپلو ځانونو څخه خبر شي.
